Tagged: Daily manna

அன்பான சகோதர,சகோதரிகளுக்கு,நம் ஆண்டவராகிய இயேசு கிறிஸ்துவின் இனிய நல்ல நாமத்தில் அன்பான நல்வாழ்த்துக்கள். கடவுள் மனித அவதாரம் எடுத்து நம்மை மீட்கும் பொருட்டு இந்த உலகில் பிறந்து வளர்ந்து பலப்பல நன்மைகளை செய்து கடைசியில் தம்முடைய உயிரையும் கொடுத்து சிலுவையில் அடிக்கப்பட்டு ஈட்டியால் குத்தப்பட்டு மரித்தார் என்று வாசிக்கிறோம். இதை எல்லாம் ஏன் செய்தார்? இருளில் இருக்கும் நம் ஒவ்வொருவரையும் ஒளியினிடத்திற்கு அழைத்து செல்லவே இவ்வாறு செய்தார். ஆனால் நாமோ ஒளியான அவரை அறிந்துக்கொள்ளாமல் இருக்கிறோம். தொடக்கத்தில் வாக்கு இருந்தது. அவ்வாக்கே கடவுளாகவும் இருந்தது. அனைத்தும் அவரால் உண்டாயின. அவரால் இன்றி எதுவும் உண்டாகவில்லை. அவரிடமே வாழ்வு இருந்தது. அவ்வாழ்வே மனிதருக்கு ஒளியாக இருந்தது. ஒளியாக வந்த அவர் இருளை விரட்டி அடித்தார். இந்த பூமியில் பிறந்த அனைவருக்கும் வாழ்வளிக்கும் தெய்வமாக வந்த அவரை ஏற்றுக்கொண்டு நாமும் இந்த தவக்காலத்தில் அவர் விரும்பும் செயல்களை செய்து அவரின் நாமத்திற்கே மகிமை சேர்க்க கடனாளியாக இருக்கிறோம். அன்பானவர்களே நாம் யாவரும் அவரின் வார்த்தையாகிய வாக்குகளை கடைப்பிடித்து அவர் தரும் தீர்ப்பில்...

கர்த்தராகிய இயேசுகிறிஸ்துவின் இனிய நல்ல நாமத்தில் எங்கள் அன்பான நல்வாழ்த்துக்கள். நம்முடைய ஆண்டவராகிய கிறிஸ்து இந்த உலகில் வந்து வாழ்ந்து நம் ஒவ்வொரு தேவைகளையும் சந்தித்து நமக்கு சந்தோஷத்தையும், சமாதானத்தையும் அளித்து தமது கிருபையினால் நம்மை மீட்டெடுத்து நமக்கு நல்வாழ்க்கையை தந்தருளியிருக்கிறார். கடவுள் நம்மை உருவாக்கி பெயர் சொல்லி அழைத்து நம் வலக்கரம் பிடித்து வழிநடத்தி காத்து வருகிறார். நிலையற்ற இந்த உலகில் நாம் மகிழ்ந்து வாழ்ந்திருக்கும்படி நம் குற்றங்களைக் கார்மேகம் போலும் நம் பாவங்களை பனிபடலம் போலும் அகற்றி பிள்ளைகளே என்னிடம் திரும்பி வாருங்கள் நான் உங்களுக்கு மீட்பு அளித்துவிட்டேன் என்று சொல்கிறார். எசாயா 44:22. நாம் நமது தேவைகளையும், எண்ணங்களையும் அவரிடம் ஒப்புக்கொடுத்து நம் விருப்பங்களை நிறைவேற்றி கொள்ளலாம். அதற்காக தானே இந்த உலகில் வந்தார். தமது உயிரை கொடுத்தார். அதனால் நாம் கலங்காமல், அஞ்சாமல் அவருடைய சாட்சிகளாய் வாழ்வோம். நம்மை படைத்தவரும், உருவாக்கியவருமான நம் ஆண்டவர் கூறுவதை பாருங்கள். அஞ்சாதே, நான் உன்னை மீட்டுக்கொண்டேன்:உன் பெயரைச் சொல்லி உன்னை அழைத்தேன்: நீ எனக்கு...

அன்பான சகோதர,சகோதரிகளுக்கு, நம் ஆண்டவராகிய இயேசுகிறிஸ்துவின் இனிய நாமத்தில் அன்பின் நல்வாழ்த்துக்கள். இன்றும் நாம் வாழும் இந்த உலகத்தில் பொல்லாத பிசாசு நமக்கு எதிராக எத்தனையோ சோதனைகளை உண்டுபண்ணி நம்மை கடவுளிடம் இருந்து பிரிக்க பல முயற்சிகளை செய்துகொண்டுதான் இருக்கிறான்.ஆனால் நாம் அவனுடைய தந்திரங்களுக்கு விலகி நம்மை பாதுகாக்க அனுதினமும் ஆண்டவரின் அருளையும்,கிருபையையும் பெற்று சோதனையிலிருந்து நம்மை விலக்கி பாதுகாத்துக்கொள்வோம். நாம் இரவும், பகலும் ஆண்டவரின் திருச்சட்டத்தை சிந்தித்து நடந்து நம்மை காத்துக்கொண்டால் நற்பேறு பெற்றவர்களாய் திகழலாம். சங்கீதம் 1:2. ஆண்டவரின் வார்த்தைகளை கைக்கொண்டு நடந்தோமானால் எந்த ஆயுதமும்,நம்மை சேதப்படுத்தாது.நம்மை தாக்குமாறு உருவாக்கப்பட்ட எந்த போர்க்கருவியும்,நிலைத்திராது. நம்மேல் குற்றம் சாட்டி தீர்ப்பு சொல்லும் நாவை ஆண்டவர் அடக்கி விடுவார்.இதுதான் அவருடைய பிள்ளைகளாகிய நமக்கு அவர் அளிக்கும் உரிமைச்சொத்து. எசாயா 54:17. ஒருவேளை நொடிப்பொழுது நம்மை கைவிடலாம்.ஆனாலும் அவருடைய பேரன்பால் நமக்கு இரக்கம் காட்டுவார். ஏசாயா 54:7. நாம் எந்தவொரு காரியத்தை குறித்தும்,கவலைப்படாமல் நம் பாரத்தை...

கிறிஸ்துவுக்குள் அன்பான சகோதர,சகோதரிகளுக்கு,நம் ஆண்டவராகிய இயேசுகிறிஸ்துவின் இனிய நாமத்தில் அன்பின் நல்வாழ்த்துக்கள். நம் ஆண்டவர் இந்த உலகத்தில் வாழ்ந்த பொழுது கலிலேயா,மற்றும் யூதேயா நாடு முழுதும் சுற்றித்திரிந்து மக்களை சந்தித்து அவர்கள் தேவைகளை எல்லாம் நிறைவேற்றி பல நன்மைகளை செய்து வந்தார்.பகல் முழுதும் மக்களை சந்தித்து அவர்கள் விரும்பியதை கொடுத்து இரவு முழுதும் தமது பிதாவை நோக்கி வேண்டுதல் செய்ததாக வேதத்தில் வாசிக்கிறோம்.அதே ஆண்டவர் இன்றும் நம்முடன் கூடவே இருக்கிறார்.நம் தேவைகளை சந்திக்க காத்திருக்கிறார்.அவரிடத்தில் கேட்பவர்களுக்கு அவர் ஒருபோதும் இல்லை என்று சொல்லவே மாட்டார். அன்பானவர்களே இன்றும் நீங்கள் பலவித கஷ்டங்களை சந்திப்பவராக இருக்கலாம். வியாதியினால் கஷ்டம்,கடன் பிரச்சனையினால் கஷ்டம்,ஒரு நல்ல வேலை இல்லையே என்று கவலை,குடியிருக்க ஒரு வீடு இல்லையே என்று ஏங்கலாம்.எதற்காகவும் நீங்கள் மனங்கலங்க வேண்டாம்.இதோ நமக்கு நன்மைகளை தரும்படிக்கே ஆண்டவராகிய இயேசு இந்த உலகத்தில் வந்து நம்மைப்போல் பல கஷ்டங்களை அனுபவித்து,அந்த கஷ்டத்தின் வேதனையை உணர்ந்தவராய்,நாம் அதிலிருந்து...