யாக்கோபு 5: 9 – 12 வாழ்க்கையின் வலிமை நீங்கள் வெளிப்படுத்துகிற நேர்மை, உங்களின் வாய்மையிலும் வாழ்க்கையிலும் இருக்க வேண்டுமே தவிர, நீங்கள் கொடுக்கிற சத்தியத்தில் அல்ல, என்பதுதான் யாக்கோபு சொல்லவருகிற செய்தி. ஒருவருடைய வாழ்க்கை மற்றவர்களுக்கு நம்பிக்கையைத் தர வேண்டுமே தவிர, அவர் கொடுக்கிற சத்தியம் அல்ல. ஒருவர் சத்தியம் கொடுத்தால், தன்னுடைய வாழ்வில் கொண்டிருக்கிற நேர்மையை இழந்தவராக இருக்கிறார். அவருடைய நேர்மை நம்பத்தகுந்ததாக இல்லை என்பதால் தான், அது சத்தியமாக வெளிவருகிறது. மத்தேயு நற்செய்தியில் ஐந்தாவது அதிகாரத்தில், மலைப்பொழிவில் நம் ஆண்டவர் இயேசுகிறிஸ்து மக்களுக்கு போதித்த போதனையில் ஒன்று, யாக்கோபு இந்த பகுதியில் அறிவுரையாகச் சொல்வது என்பதை நாம் புரிந்து கொள்ளலாம். மத்தேயு நற்செய்தி 23 வது அதிகாரத்தில், பரிசேயர்களின் சட்டநூல்களில் “ஆணையிடுவதைப்“ பற்றிச் சொல்வதைக் கடுமையாகச் சாடுகிறார். ஆணையிடுவதில் கண்டிப்பாக நிறைவேற்றியே ஆக வேண்டும் என்று ஒரு சிலவற்றையும், ஆணையிட்டாலும் விலக்கு வாங்கிக்கொள்ளலாம் என மற்றொரு பிரிவாகவும்,...

யாக்கோபு 5: 1 – 6 நேரத்தை நமக்கு வழங்குகிறவர் கடவுள். எனவே, நேரத்தைப் பயன்படுத்துவதில், அவருடைய திருவுளத்திற்கு பணிந்தவர்களாக நாம் இருக்க வேண்டும். அதேபோல, செல்வத்திற்கு ஆதாரமாக இருக்கிறவர் ஆண்டவர். அதனைப் பயன்படுத்துவதிலும், அவருடைய திருவுளத்திற்கு பணிந்தவர்களாய் நடக்க வேண்டும். இதுதான், யாக்கோபு தன்னுடைய அறிவுரையில் நமக்குக் கூறுகிறார். லேவியர் 25 ம் அதிகாரம் தெளிவாகச் சொல்கிறது: மக்களும், நிலமும் கடவுளுக்குச் சொந்தமானது. எனவே, செல்வம் என்பது மற்றவர்களைச் சுரண்டிப்பெறுவதாகவோ அல்லது அடுத்தவர்களை அடிமைப்படுத்துவதாகவோ இருக்கக்கூடாது. ஏனெனில், அது நம்முடையது அல்ல. கடவுளுடையது அல்ல. நாமே கடவுளிடமிருந்து பெற்றுக்கொண்டு, அது எனக்குச் சொந்தம் என்று எப்படி உரிமைகோர முடியும்? யாக்கோபு இதனை வாய்மொழியாகவே சொல்கிறார். கடிதத்தின் வழியாக அல்ல. இதற்கு சில சான்றுகளை கொடுக்க முடியும். வழக்கமாக கடிதத்தில் இடம்பெறும், ”சகோதரர்களே” இந்த பகுதியில் இடம்பெறவில்லை. அதற்கு பதிலாக, நேரடியாகவே ”செல்வர்களே, சற்றுக் கேளுங்கள்” என்று தொடங்குகிறார். இது அறிவுரையாக...